Suhana Mausam 

Jab baarish zameen bhiga de

aur mausam ko thanda chhod jaye

jab mitti ki khushbu dil mein bas jaye

aur un purane dino ki yaad dila de

jab kagaz ki kashtiyon se khelte the hum

aur garma garm chai pite the hum

jab apna chhata ghar chodte the hum

aur baarish mein baahe khole khelte the hum

Jab khilono se ghire rehte the hum

aur raat ko ma se kahaniyan sunte the hum

jab koi pareshaniyon ke bina

jeevan apna jeete the hum

ab kaam se ghir gaye hai hum

lekin fir woh baarish vapis ayi hai

apne kaam ko thodi der chodkar

bachpan ki galiyon mein fir se aaye hain

woh purani yaadein mann mein liye

nayi yaadon ko banane nikle hai hum

baarish mein bhigte hue bhi

kagaz aur kalam pakde nikle hai hum

·